Ehh, e dimë, për disa prej nesh për fat të mirë e për disa të tjerë për fat të keq, jemi në stinën e dimrit, në janarin e acartë!
Por për të gjitha ato femra që mezi po e presin sezonin e verës, kemi një lajm të mirë! Sapo kemi zbuluar trendin e rrobave të banjës që do bëjnë namin këtë verë, kështu që nuk do u duhet të kërkoni shumë gjatë!
Trendin në fjalë e ka sjellë e para Kylie Jenner e cila pak ditë më parë çmendi internetin, me foton me një kostum banje me print lëkurë lope të markës “Onia” që kushton 195 dollarë!
Duket se printi në fjalë do të jetë i preferuari i fashionistave për këtë verë pasi blogerja Danielle Bernstein gjithashtu është shfaqur me versionin bikini të kostumit dhe për të kemi dy fjalë: “Super seksi!”
Trendi në fjalë me siguri do të pushtojë plazhet këtë verë dhe një gjë është pak, por e sigurt: Fjala lopë këtë sezon nuk do ketë konotacionin negativ që ka pasur gjithmonë!
