Rama i dorëzon postin: Gent Cakaj “merr frerët” e Ministrisë së Jashtme!

Gjatë ceremonisë së marrjes së detyrës, si ministër i Jashtëm, kryeministri Edi Rama ka treguar se nuk do të jetë ai që do ta drejtojë këtë institucion, por Gent Cakaj.

“Është fjala më e shkurtër në jetën time”, u shpreh Rama dhe më tej tha: “Unë Edi Rama në funksionin tim si ministër i Jashtëm, i delegoj zotit Gent Cakaj drejtimin e kësaj ministrie dhe përfaqësimin në institucionet ndërkombëtare.”

Kujtojmë se Gent Cakajt ishte një emër që ngjalli jo pak debate mes Ramës dhe Metës, pasi Presidenti refuzoi që ta dekretonte.

Lexo edhe :

Me vlerë 180 milionë dollarë! Vajza më e vogël e Bill Gates po trondit botën e teknologjisë me një startup AI

19:47 13/12/25

Bes Kallaku “thumbon” Xhensila Myrtezajn: E shkuara ime ka vdekur, Zoti më bekoi me dy fëmijë

19:27 13/12/25

Gjatë fjalës së tij, Cakaj tha se, koha do të jetë dëshmitar në punën e tij në drejtimin e MPEJ. Ai premtoi se do të punohet natë e ditë për të çuar para integrimin e vendit në BE.

“Të qenit drejtues i këtij institucioni me kompetenca të deleguara me vëzhgimin e tij është një start i garantuar në grykën e zjarrit të akuzave pa bazë e paragjykimeve. Nën drejtimin e ministrit Bushati trajta amorfe e politikës së jashtme të Shqipërisë është shndërruar në një platformë solide dhe të mirëstrukturuar. Shqipëria sot pa asnjë dyshim qëndron në kuotën më të lartë të përfaqësimit diplomatik dhe nivelin më të konsoliduar. Vendi ynë është bërë prijës i një sërë nismash rajonale. Shqipëria qëndron para një vendimi historik për negociatat. Atdheu ynë Shqipëria është në fazën e pakthyeshme”, deklaroi Cakaj.

Ndërkohë Rama u betua si ministër, një ditë pasi Kuvendi miratoi dekretin e presidentit Meta për shkarkimin e Ditmir Bushatit në krye të MEPJ dhe emërimin e tij edhe në postin e ministrit.

Bushati u shkarkua me 77 vota pro dhe 1 abstenim. Vota abstenim ka qenë nga deputeti Spartak Braho, ndërsa vetë ministri ka votuar pro shkarkimit të tij.

Burimi: gazetareforma.com