Lajmi për romancën e tyre bëri bujë në fund të vitit të kaluar, pasi burime për “iconstyle.al” zbuluan lidhjen mes DJ Sardit dhe Jonida Vokshit.
Dyshja preferoi të mos reagonte lidhur me lajmin, duke na bërë të gjithë të besojmë për romancën e mundshme mes tyre.
Dhe gjithçka na u bë më e qartë mbrëmjen e së dielës, pasi DJ-i i njohur shqiptar reagoi për herë të parë për lidhjen e tij me moderatoren. I ftuar në emisionin “Familja”, Sardi u pyet nga moderatori Turjan Hyska nëse ishte i vërtetë lajmi për lidhjen me Vokshin.
DJ-i u përgjigj me një fjalë të vetme: “Mbase”!
Të gjithë e kuptuam konfirmimin e lidhjes më të re të showbiz-it, por Jonida Vokshi vendosi të na bënte sot lëmsh.
E pyetur nga “Prive”, moderatorja mohoi lidhjen, duke kundërshtuar në këtë mënyrë edhe përgjigjen që dha DJ Sardi.
“Pikë së pari shumë, shumë, faleminderit që më pyetët. Pikë së dyti, nuk ka asgjë të vërtetë në këtë histori”, shprehet Jonida.
Përfundimisht nuk dimë kë të besojmë: DJ Sardin apo Jonida Vokshin?
