Ariana Grande mund të jetë tepër e ngarkuar me promovimin e këngës së saj më të fundit “7 Rings”, por siç duket kjo nuk ka bërë që ajo të harrojë ditëlindjen e ish-it të saj të ndjerë, Mac Miller.
Mac, në mënyrë tragjike humbi jetën në shtator dhe për Arianën kjo ka qenë një eksperiencë mjaft e vështirë. Disa fansa madje mendojnë se këngët e saj i dedikohen atij.
Nëse do ishte gjallë, ditën e sotme Mac do të mbushte 27 vjeç.
Në vend të një urimi të gëzuar për ditëlindjen e tij, që fatkeqësisht nuk mund ta bëjë dot, Ariana ka shkruar në Twitter: “Më mungon!”
Reperi dhe producenti Mac Miller, u nda nga jeta më 7 shtator 2018 si pasojë e një mbidoze droge.
