Victoria Beckham vendosi më në fund që të sqaronte thashethemet për divorcin nga David, ndërsa foli hapur për “The Guardian” për jetën pas kamerave.
Ajo tregoi se nuk gatuan kurrë, pasi për shkak të angazhimeve kthehet në shtëpi shumë vonë në darkë, por bashkëshorti i saj është një kuzhinier shumë i mirë.
Victoria tha se aludimet për divorcin e saj ishin thjesht thashetheme.
“Mund të jetë shumë frustruese. Por ia lash ekipit tim të marrëdhënieve me publikun. Nuk përfshihem. Njerëzit janë të interesuar për jetën time personale. Dhe ndonjëherë kjo funksionon mirë për mua, ndonjëherë dalin gjëra që s’më pëlqejnë. Nuk i lejoj që të më ulin poshtë”, tha Beckham.
Pak kohë më parë ish-futbollisti tha se çifti kishte kaluar kohë të vështira.
Burimi: Harper’s Bazaar
