Aktori i njohur Visjan Ukcenaj u bë baba për herë të parë më 3 shtator të 2018-ës.
Djalin e pagëzuan me emrin Divin.
Përgjatë një interviste për “Mapo”, Visjani ka ndarë me publikun ndjesitë dhe përgjegjësitë që vijnë me statusin e ri të babait.
“Nëse jeta ka diçka që të të bëjë ta duash atë pavarësisht kombësisë, gjendjes sociale apo financiare, ai është fëmija. Fëmija im më ka ndryshuar gjithçka. Djali i ka dhënë kuptim jetës sonë. Çdo gjë që kam bërë në jetë, mori vlerë kur lindi im bir. Përgjegjësitë janë të mëdha dhe më trembin ndonjëherë, sepse duhet të bëj çdo gjë që t’i plotësoj kërkesat, nevojat dhe ta edukoj siç duhet tim bir”, rrëfeu aktori.
Aktualisht Ukcenaj është pjesë e trupës së “Duplex”, programit të humorit që transmetohet çdo të shtunë në “Klan Tv.”
