Kur flasim për reperet femra më të famshme në botë, nuk ka si të ndodhë që mos të na shkojë mendja tek Cardi B.
Lirshmëria dhe të thënurit e gjërave dhe fenomeneve troç siç ajo i mendon, e diferencon atë nga shumë artistë të tjerë!
Një e vërtetë pakëz e “shëmtuar” është se Cardi B ose e duan shumë ose nuk e pëlqejnë aspak! Rrugë të mesme duket se nuk ka!
Kjo vihet re nga komentet e shumta në postimet e këngëtares.
Por së fundmi, reperja e famshme ka fituar dhe simpatinë e shumë shqiptarëve.
Reperi 2po2 ka postuar në rrjetin social Instagram foto të reperes e cila shfaqet duke bërë simbolin shqiptar, shqiponjën dykrenare me duart e saj. Prisni pak… “Sa bukur Mario” po përsëritet sërish? Ah, duket se jo!
E vërteta e trishtë në këtë rast është se Cardi B në atë moment po fliste për diçka tjetër.
Moderatori Jimmy Fallon e pyeti reperen për pasthirrmën “Okuuuurrr” dhe ajo i tha se ngjan si tingulli që lëshon një pëllumb, duke demonstruar me duar krahët e shpendit.
Ishte shumë e bukur për të qenë e vërtetë…
