Pas ndarjeve e ribashkimeve, çifti i njohur i showbiz-it shqiptar, Blero Muharremi dhe Afrona Dika tashmë kanë vendosur që të kurorëzojnë dashurinë e tyre në martesë. Ka qenë këngëtari i cili ka zbuluar detaje për kurorëzimin e tyre.
Blero ka zbuluar se ceremonia e tyre e martesës do të mbahet më 21 shtator të vitit 2019. Por ashtu siç është zakoni i dasma shqiptare, përgatitjet nisin kohë më parë.
Afrona mbrëmjen e së martës zbuloi një detaj nga përgatitjet dhe lidhet pikërisht me festën e saj të beqarisë.
Ajo publikoi një foto në Insta Story nga Mykonos, në Greqi, mbi të cilën shkroi:
“Mezi po pres. Festa e beqarisë, me vajzat e mia”.
Afrona gjithashtu zbuloi edhe datën e festës, që sipas llogaritjeve është 13 qershori. Ky vend, i cili njihet si ideali për të festuar gjatë gjithë verës, ishte i përzgjedhur edhe për festën e beqarisë së Sara Hoxhës në gusht të 2018-s. Festa e tyre nis që në avionin privat, që vajzat morën për të shkuar në Mykonos, për të vijuar në jaht dhe në klubin e natës.
https://www.instagram.com/p/BlvQrQjHgVV/?utm_source=ig_web_button_share_sheet
Kujtojmë se propozimi i është bërë në një emision në Kosovë, ku Afrona e lumtur tha “PO”. Blero ka qenë i martuar më parë me aktoren Teuta Krasniqi, me të cilën ka vajzën Tara.
