Reperi shqiptar i ka ururar ditëlindjen nga larg vajzës së tij të vogël.
Në pamundësi për të qenë pranë saj, Lyrical Son i ka bërë një dedikim mjaft emocionues kaçurrelëses së tij Eva në Instagram.
Ai shpreh mall për vogëlushen dhe partneren ndërsa tregon se ndihet i lënduar që është larg tyre.
“Urime zemër ishalla edhe plot të tjera me shëndet e lumturi. Po më dhemb shumë që stë kam afër të të uroj siç duhet e të ta puth atë fytyrën e bardhë. Të dua shume kaçurrelja e babit. P.S. puthe mamin për mua. Ju Dua e shihemi shpejt kismet”.
Lyrical Son me partneren Gresa do të bëhen sërish prindër të një vajze, ndërsa vogëlushja Eva do të bëhet motra e madhe.
Gresa konfirmoi në nëntor lajmin e shtatzënisë përmes postimeve në Instagram, ku tregoi se ishte organizuar një festë “babyshoër” nga mikeshat, në të cilën u zbulua edhe gjinia e foshnjës që pritet të vijë në jetë.
