Rifillimi i procesit mësimor pas pushimeve të fundvitit ka nisur me rikthimin e studentëve në protestë.
Të rinjtë kanë paralajmëruar një tjetër protestë masive sot, pasi shprehen se ende nuk janë plotësuar kërkesat e tyre.
Ndërkaq, teksa pritet që të nisë grumbullimi, studentët e kanë nisur ditën sot me nguljen e gozhdëve në dyert e rektoratit të Universitetit të Tiranës.
“Mirëmëngjesi! Përgatitjet kanë filluar. Meqenëse disa dekanë dhe rektorë kanë kërkuar të fillojë mësimi, studentët po ja kthejnë përgjigjen në mënyrën e tyre”.
Organizimi do të jetë i njëjtë do të nisë nga fakultetet në orën 8 dhe në orën 10 do të marshohet drejt kryeministrisë. Pankartat nuk do të mungojnë, paralajmërojnë edhe surpriza, por nuk pranojnë të zbulojnë detaje, raporton Ora News.
