Këto janë Krishtlindjet më të bukura për kryetarin e Bashkisë Erion Veliaj dhe të bashkëshortes së tij Ajola Xoxa, pasi festojnë për të parën herë si prindër. Kartolinës së tyre të festave i është bashkuar edhe i vogli Kajan dhe festat kanë marrë një tjetër kuptim!
Pasditen e sotme, Ajola ka publikuar një foto të ëmbël ku shfaqet me të birin pranë pemës që ndriçon nga zbukurimet. Si gjithmonë, Ajola është kujdesur të mos tregojë portretin e të birit, ndaj shohim vetëm shikim plot adhurim që ajo i jep.
“Gëzuar Krishtlindjet e para bebi Kajan! Zemra jote qoftë e mbushur gjithmonë plot e përplot me dashuri” – shkruan krahas fotos Ajola Xoxa.
Më herët, Ajola na bekoi edhe më një foto ku shfaqej edhe kartolina e familjes së saj në prag të festive të fundvitit.
