Kuvendi Kombëtar i Partisë Demokratike është shoqëruar me një incident jo pak të rëndë ditën e sotme. Bëhet fjalë për momentin kur pedagogu dhe kandidati për Këshillin Kombëtar, Rezart Prifti, nisi fjalimin e tij me tone kritike ndaj të djathtës.
“Besoj në taksa të ulëta, besoj te qytetaria. Jam këtu sepse besoj se duhet t’i veshim rrobat atdheut se është lakuriq. E treta, dëgjuam këtu lloj lloj fjalimesh të përgatitura, për Hënën, jo për njerëzit në shesh, në rrethe. Janë fjalë shumë të drunjta që nuk shkojnë në veshin e jo më në shpirtin e njeriut…”-u shpreh Prifti, por nuk mundi dot të vijonte më tej sepse në këtë moment i është shkëputur audio dhe askush nuk mundi të dëgjonte vijimin e fjalimit të tij.
Ndonëse ende nuk është e qartë nëse bëhet fjalë për një defekt apo një veprim të qëllimshëm, ky moment është interpretuar gjerësisht si censurë. Ndiqni videon.
Burimi: Gazeta Reforma
