Nick Jonas dhe Priyanka Chopra lidhën kurorë në dy ceremoni madhështore në Indi me 1 dhe 2 dhjetor. Dhe siç ndodh me çdo çift në mbarë botën, as ata nuk i shpëtuan dot pyetjes që bëhet menjëherë pas dasmës: “Po bebin kur do e bëni?”
Duket se Nick është shumë i emocionuar për këtë, madje mezi pret të krijojë një familje të madhe me bashkëshorten e tij!
Gjatë një interviste, Nick nuk tha specifikisht se kur do të planifikojnë të bëhen me fëmijë, por tregoi se do të ndodhë shumë shpejt.
“Sigurisht që dua të bëhem baba. Madje, do të ishte një ëndërr që të ndodhte tani. Mezi pres të bëhem prind dhe të kujdesem për vogëlushët e mi dhe bashkëshortën” – tha këngëtari.
Thënë kjo, do të mbetemi me sytë tek barku i Priyankës në çdo dalje publike, për të mësuar nëse është në pritje të ëmbël.
