Ndërsa e gjithë vëmendja ishte përqendruar te protesta e studentëve, fëmijët e dy personazheve të njohur shqiptarë festonin në ceremoninë e tyre të dasmës.
Ditën e sotme burime për “iconstyle.al” bënë me dije se, Djali i deputetit socialist Bashkim Fino, Redi mësohet se është martuar me Edlirën, vajzën e Gëzim Podgoricës, ish-drejtor i Agjencisë Telegrafike Shqiptare (ATSH) dhe anëtar i Kryesisë së LSI, mbrëmjen e së mërkurës.
Çifti duket se kishte zgjedhur datën e veçantë 12.12.2018 për të kurorëzuar dashurinë e tyre.
Pjesë e dasmës mësohet se ishin shumë personazhe të njohur, ndërsa nusja kishte zgjedhur një fustan stil klasik me detajet e dantellës dhe të tylit.
Në një nga momentet e dasmës të siguruara nga “iconstyle.al”, çifti shfaqet duke kërcyer nën tingujt e muzikës klasike të rrethuar nga tymi.
Nga videoja bie në sy edhe ambienti, i cili është i zbukuruar i gjithi me drita.
Edlira ndau edhe një foto të realizuar para dasmës, në mbishkrimin e të cilës shkruante:
“Kur ëndrrat bëhen realitet… 12/12/2018. Dashuria ime Redi Fino”.
