Profesori Artan Fuga në një intervistë për “Ftesë në 5” u shpreh se ka qënë kundra këtij ligji prej fillimit, madje e cilësoi edhe si dështim. I pyetur nga moderatorja se cila mund të jetë zgjidhja, Fuga u përgjigj se është pro dialogut me një përfaqësim të gjërë mes palëve.
Sipas profesorit Artan Fuga, duhet të negociohet mes pedagogëve, qeverisë dhe një përfaqësie të studentëve. Kjo do të krijonte një këshill të drejtë për reformën, duke shmangur presionet politike dhe manipulimet e studentëve.
“Pa pritur që studentët të nxjerrin një përfaqësi, qeveria dhe të gjithë deputetët, ministria të marrin të gjitha masat e të ndërmarrin një hap shumë të madh që kërkon reforminin e vërtetë të arsimit të lartë publik dhe privat.”- u shpreh Artan Fuga.
Sakaq, Fuga fajëson kolegët e tij si ‘autorë’ të ligjit, të cilët tani heshtin dhe nuk flasin.
“Argumentat i kemi paraqitur dhe nuk na kanë dëgjuar. Ka një dështim që për mua nuk është një çështje që i vë gishtin një ane të veçantë por është difektoz. Kanë gabuar të gjithë ata kolegë të asaj kohe që nuk lejuan asnjë dialog dhe sot heshtin e janë të fshehur dhe nuk i dalin përgjegjësisë së madhe.” – theksoi profesori Artan Fuga.
