Okej, Lori Hoxha nuk do të mbetet më vetëm një fashioniste, ndaj po eksperimenton me shumë fusha të tjera. Si për shembull të kthehet në një blogere bukurie, pasi realizoi tutorial-in e parë të bukurisë.
Ajo ndau ditën e djeshme me ndjekësit e saj një video të makijazhit të saj të përditshëm, çfarë produktesh apo trukesh përdor për të theksuar tiparet.
Në fillim të videos ajo tregon për herë të parë se, prej pesë vitesh makijazhin e bën vetë.
“Mu deshën shumë vite ta perfeksionoja. Kam 5 vjet që e bëj vetë makijazhin. I besoj më shumë vetes, e di se për çfarë ka nevojë fytyra ime”, thotë Lori në video.
Ajo tregon se dy nga tiparet që e ka më të vështirë t’i bëj makijazhin e duhur janë vetullat dhe buzët:
“I urrej t’i lyej vetullat, ndaj e bëra pas kamerës. Urrej t’i lyej buzët, se ndonjëherë duken bukur, ndonjëherë jo”.
Një nga “problemet” me të cilat po përballet Lori janë edhe qerpikët e drejtë, pasojë të cilën e vuan nga përdorimi i shpeshtë i qerpikëve fals.
“Kam mbajtur qerpikë fals për shumë kohë dhe tani qerpikët e mi janë të drejtë, ndaj përdor kthyesin e qerpikëve. Tani nuk vendos më qerpikë fals gjatë ditës, vetëm nëse kam ndonjë rast”, thotë ajo.
Videon e mbyll me disa momente komike nga prapaskena.
https://www.youtube.com/watch?v=dkEU6NMmIOI&feature=youtu.be
Burimi: Youtube/Iconstyle.al
