Studentët i janë përgjigjur negativisht sot thirrjes së kryeministrit për negociata dhe kanë treguar se nuk do të tërhiqen nga kërkesat e tyre.
Ata kanë vazhduar protestën e tyre me thirrjet “Universiteti nuk është i pedagogëve dhe politikanëve, por është i studentëve” dhe “Nuk ka negociata, nuk ka bisedime” duke thënë hapur se nuk kanë ndërmend të ulen në negociata pa plotësuar më parë kërkesat e tyre.
Nga Ministria e Arsimit, një student u shpreh për “Ora News” duke thënë: “Seriozisht e ka ai? Gjithë arrogancat që kemi duruar ndaj tij, tani do të jemi ne arrogantë ndaj tij. Merri kërkesat me vete, nuk ka negociata dhe as nuk do të ketë. “What the F**k!”Do të qëndrojmë derisa të lodhemi dhe ne nuk lodhemi kurrë. Dëgjova se ka hyrë live, uroj ti ecë mbarë sepse negociata nuk do të ketë.Pse i do negociatat kur ja kemi bërë të qartë se çfarë duam. Për çfarë i do negociatat, do të na përçajë? Largojini duart e ndyra nga propaganda me studentë!”
