Bashkëpunimi i tij me Fifin në “Këngën Magjike” të këtij viti ishte një ndër më të pëlqyerat nga publik dhe kjo e vërtetoi çmimi që morën, për këngën më të ndjekur në internet.
Por Mc Kresha mund t’i mungojë në të ardhmen skenën shqiptare, pasi ky është një vendim që po mendohet prej kohësh nga reperi i njohur.
I ftuar në emisionin ‘Oxygen’, ai foli për karrierën dhe planet e tij, ai tha se kur të krijojë familje do të heqë përfundimisht dorë nga muzika.
“Realisht karriera ime si artist më ka sjellë shumë të mira. Besoj që kapaciteti im i trurit më jep mundësinë të mbetem gjallë edhe pa muzikë. Kaq shumë sa e dua muzikën edhe po mendoj ta lë”, u shpreh Mc Kresha.
Ai shtoi se nuk do të ishte prind i denjë nëse do vazhdonte të merrej me hip-hop.
“Për muzikën hip-hop duhet të dal unë të këndoj ‘hajde zemër dridhe’ edhe djali im do jetë aty e do dëgjoj. Nëse bëhem me familje, unë nuk mundem të jem prind i duhur për fëmijët e mi. Çdo gjë ka ciklin e vet, publiku më ka rritur se unë kam qenë i mirë”, tha reperi.
Mc Kresha tregon se, nëse nuk do të merret më me muzikë, do të preferonte që në të ardhmen të ketë një punë që ka lidhje me futbollin.
Kënga e tij në bashkëpunim me Fifin, “Psikopatja jote”, u rendit e treta në klasifikim në festivalin “Kënga Magjike”.
