Dy këngëtaret me origjinë shqiptare Dua Lipa dhe Bebe Rexha së fundmi kanë treguar se marrëdhënia e tyre është bërë akoma më ngushtë.
Ato janë parë në çdo event muzikor bashkë dhe tregojnë gjithmonë mbështetjen për njëra-tjetrën.
Dhe rasti i fundit ishte ai i pasdites së 1 dhjetorit, kur Dua dhe Bebe u shfaqën bashkë në ndarjen e çmimeve të “Variety Hitmakers Brunch 2018”, në West Hollywood.
Bebe Rexha u vlerësua me çmimin e rëndësishëm “Kompozitorja e vitit” ndërsa Dua Lipa u nderua me “Artistja më e suksesshme e vitit”.
Por një nga momentet që u përfol më shumë në media, ishte ai kur Bebe Rexha emocionohet në konferencën për mediat dhe nuk mban dot lotët.
“Ndonjëherë kërkojmë gjithmonë dhe më shumë, por kjo për mua është një ‘Grammy’. Jeta është shumë interesante dhe rruga jonë është kaq e ndryshme, dikur e krahasoja jetën time me atë të të tjerëve. Por një ndër gjërat për të cilat jam më mirënjohëse është aftësia ime për të shkruar këngë, që do ta kem edhe kur të ndaloj së performuari”, u shpreh këngëtarja shqiptare.
Bebe Rexha gets emotional accepting her award for Songwriter of the Year https://t.co/XkjgTsmN4r #Hitmakers pic.twitter.com/6gxhujpRV3
— Variety (@Variety) December 1, 2018
