Data 1 dhjetor shënon edhe Ditën Botërore kundër HIV/AIDS. “Dolce Welle” raporton se numri i personave të prekur nga ky virus në vendin tonë është 1400 dhe se shumica prej tyre janë burra heteroseksuale.
Sipas të dhënave të publikuar nga UNAIDS, 66 përqind e njerëzve të infektuar me HIV në Shqipëri e dinë që janë të infektuar. Sakaq, 42 përqind e të prekurve marrin trajtim mjekësor dhe 14 përqind e të sëmurëve kanë virus ngjitës. Mësohet se gjatë vitit 2017 ka pasur rreth 100 raste të reja infeksoni, më pak se sa 150 në vitin 2016.
Numri i njerëzve që kanë humbur jetën prej sëmundjes, ka rënë nga 23 më 2016 në 15 në vitin 2017. Shqipëria vazhdon të ketë probleme në mbulimin e trajtimit mjekësor të të prekurve, këtë e tregojnë edhe shifrat. Vetëm 42 përqind e të sëmurëve me virusin HIV në të gjitha moshat kanë marrë trajtim mjekësor në vitin 2017. Një numër i vogël klinikash shëndetësore në Shqipëri ofrojnë kontroll për sëmundjen HIV.
