Këngëtarja Leona Lewis ka konfirmuar më në fund se është fejuar me partnerin e saj Dennis Jauch, pas një historie të mrekullueshme dashurie prej më shumë se 8 vitesh. Që në muajt e parë të stinës së verës, mediat ndërkombëtare dhanë lajmin e fejesës, por çifti zgjodhi që ta festojë privatësisht këtë moment e tanimë e kanë “bërtitur” edhe për botën.
“Zemra ime po këndon, këngën më të gëzueshme që është dëgjuar ndonjëherë. Po shpërthej nga lumturia dhe emocioni, që kam nisur një aventurë të re me mikun tim më të mirë, partnerin tim në krim, Deniss Jaych. Mezi pres të bëhem bashkëshortja jote!” – shkruan krahas postimit në “Instagram” këngëtarja e njohur.
Mirëpo, duket se Leona ende nuk është mësuar me faktin se shumë shpejt do të bëhet nuse, teksa i duket e pabesueshme që do të martohet.
“Eeek, bashkëshorte?! Argh! Hahahahah akoma nuk e besoj dot. E kam ëndërruar shumë këtë moment dhe u bë realitet. Njeriu më i kujdesshëm, me zemrën më të pastër dhe shumë frymëzues që kam privilegjin ta njoh do martohem me mua. Tani le të ikim të bëjmë pak qejf! Festëëëë.” – vijon postimin këngëtarja.
E meqënëse u kujtuam për Leona Lewis, ju rendisim disa nga super hitet e saj që na kanë shoqëruar për vite të tëra:
