Një shpërthim i fuqishëm tronditi Vlorën pasditen e kësaj të premte. Sipas njoftimit të policisë, një makinë shpërtheu pasi i ishte montuar një sasi lënde plasëse.
Nga ngjarja mbeti i plagosur rëndë 48-vjeçari Agron Alushaj, i cili ndodhej brenda makinës të tipit “Benz” me targa AA703.
I plagosuri mësohet se ndodhet brenda sallës së operacionit, ndërsa bëhet me dije se ka humbur gjymtyrët.
Alushaj mësohet se doli nga një lavazh dhe ishte duke iu drejtuar qytetit, kur ndodhi shpërthimi.
Grupi hetimor ndodhet në vendngjarje duke kryer hetimet në lidhje me zbardhjen dhe sqarimin e rrethanave.
