Efektivja e policisë shqiptare Ina Nuka, humbi 2 nga gishtat e dorës ditën e djeshme, pasi u lëndua nga një kapsollë që u hodh gjatë protestës së banorëve të Unazës së Madhe përpara Parlamentit.
Në një intervistë për “Report Tv”, i ati i polices shqiptare Gashi Nuka, u shpreh se e bija është në gjendje më të mirë shëndetësore, edhe përse dhimbjet nuk janë larguar.
Nuka rrëfeu se pritet që të udhëtojnë drejt Turqisë, pasi ajo është e vetmja shpresë që e bija të kthehet siç ishte më parë.
“Gjendja po përmirësohet për momentin. Ka dhimbje, por është më mirë. Problemi është te gishtat, i janë këputur dy gishta. Na kanë dhënë një fare shprese, por jashtë vendit në Turqi dhe presim të nisemi nga momenti në moment. Kryeministri na tha se do të bëjmë çfarë është e mundur për vajzën që të rregullojmë gishtat sikur i pati. Jemi me shpresë” – u shpreh i ati i 24-vjeçares.
Sakaq, Gashi Nuka e cilësoi dhunën e përdorur gjatë protestave të banorëve të Unazës së Madhe si të patolerueshme.
“ Dhuna është e patolerueshme. Mesazhi im është që të mos ndodhë më ajo ndodhi, pasi dje ishte vajza ime, nesër mund të jetë një tjetër. Kushdo ka të drejtë për protestë 24 orë non stop, por pa dhunë.” – përfundoi babai i polices Ina Nuka.
https://www.facebook.com/VizionPlusTV/videos/255643795110092/
