Prej ditës së martë, zona pranë stadiumit “Qemal Stafa” po përballet me ndërprerje të vazhdueshme të energjisë elektrike. Shkëputjet nisën nga mesdita e djeshme për të vijuar edhe gjatë kësaj të mërkure.
“Iconstyle.al” kontaktoi me zyrat e OSHEE-së, ndërsa përgjigja e tyre ishte kjo:
“Ka defekt kabine dhe punonjësit tanë në terren janë duke punuar që ta rregullojnë problemin”.
Nga ana tjetër banorët e zonës po hasin një tjetër shqetësim, atë të djegies së elektro-shtëpiakeve, për shkak të stakimit të shpeshtë të energjisë elektrike.
Ata bëjnë thirrje që OSHEE të marrë përsipër dëmshpërblimin për dëmet e shkaktuara nga ndërprerjet e energjisë elektrike, që rezultojnë se ndodhin mbi 3-4 herë brenda një ore.
Burimi: iconstyle.al
