Një lajm jo edhe aq të mirë kemi sot për fansat e filmit “Sex and the City”! Regjisori kishte në plan “të vriste” Z. Big në fillim të filmit, duke e lënë Carrie-n me zemër të thyer.
Big thuhet se do të vdiste nga një atak në zemër në dush, në fillim të filmit, duke bërë që pjesa e mbetur e tij të sillej rreth përjetimit të Carrie-s dhe rimëkëmbjes së saj duke u mbështetur tek 3 mikeshat e tjera.
Por Kim Cattrall (Samanta) nuk pranoi të merrte pjesë, pasi roli i saj do të zbehej me këtë skenar.
“Njerëzit e afërt me Kim besojnë se skenari i filmit nuk kishte shumë për t’i ofruar karakterit të Samantës”, tha gazetari James Andrew Miller.
Sarah Jessica Parker kishte negociuar me Cattrall për filmin, por përfundimisht nuk arritën ta bindnin pasi studioja nuk mund t’i plotësonte kërkesat që aktorja kishte vendosur.
Sipas Parker, ky nuk është faji i askujt, është thjesht biznes.
