Dashi
Nuk ju pëlqen të bëheni sentimentalë dhe t’i shprehni ndjenjat hapur, sepse kështu ju duket sikur tregoheni të dobët. Marsi në bashkëveprim me Jupiterin do t’ju pengojnë t’i mendoni gjërat pozitivisht. Dielli, duke filluar nga dita e enjte, do të jetë aleat i fortë i pasioneve tuaja, do t’ju ngrohë dhe ndriçojë në mënyrë të veçantë. Bëni kujdes me mënyrën si shpreheni ditën e premte, sepse mund të thoni diçka për të cilën do të pendoheni.
Demi
Fakti që do t’u mbani distancë të tjerëve gjatë këtyre ditëve do të jetë në favorin tuaj. Do të parapëlqeni të vazhdoni në rrugën tuaj duke mos dashur të dëgjoni për problemet e njerëzve përreth jush. Duke filluar nga dita e enjte, Diellin nuk do ta keni më armik, i cili bashkë me ngrohtësinë do t’ju transmetojë edhe entuziazmin. Kujdes me vendimet e nxituara dhe shpenzimet e paparashikuara nën ndikimin e Hënës.
Binjakët
Shqetësimi juaj kryesor gjatë këtyre ditëve do të jetë të përballeni me pasiguritë dhe dyshimet që keni si pasojë e ndikimit të Mërkurit. Ditën e martë partneri apo ndonjë kolegu juaj do të ndiejë nevojën të flasë me ju për problemet e veta. Ditën e enjte, që përkon me zhvendosjen e Diellit, ju do të jeni më të gatshëm për t’iu kushtuar vëmendje atyre. Të premten bëni kujdes të mos gaboni apo të shpreheni keq nën ndikimin e Hënës së re. Të dielën gjërat gjithsesi do të qartësohen.
Gaforrja
Këtë javë yjet dhe planetët nuk do të ndikojnë dhe aq pozitivisht në shenjën tuaj, duke ju krijuar ngërçe dhe vonesa. Kjo është një fazë kalimtare që do të mbarojë shumë shpejt. Ditën e martë Dielli do të kthehet nga shenja juaj, duke bërë që të përjetoni momente të bukura dhe duke zbehur ndikimin jo dhe aq të mirë të Marsit. Edhe Neptuni do të ndikojë për mirë dhe do t’ju favorizojë që të shikoni përpara dhe të mendoni për të ardhmen me optimizëm.
Luani
Kjo do të jetë një javë e mbarë, yjet dhe planetët do t’i keni në anën tuaj. Për fat, në çdo situatë do të shikoni anën e mirë. Aty nga mesi i javës do të ndihet edhe ndikimi pozitiv i Diellit, duke bërë që të ndiheni më mirë shpirtërisht dhe që çdo gjë t’ju duket interesante. Shijojini këto ditë duke e pasur nën kontroll gjithçka. Të premten bëni kujdes të mos ua vini veshin këshillave të gabuara që ju distancojnë nga realiteti. Aty nga fundjava ndonjëri prej jush do t’i ketë idetë më të qarta.
Virgjëresha
Kjo do të jetë një javë e mbushur me sfida dhe polemika. Nëse ditën e martë dikush do të sillet me nervozizëm ndaj jush, ju do të zgjidhni të mos reagoni, të duroni dhe të mos i jepni shumë rëndësi fjalëve të tij. Ditën e hënë Hëna nuk do të ndikojë fort për mirë në shenjën tuaj, por ju do të veproni me maturi në mënyrë që të mos gaboni. Lajmi i mirë është se ditën e diel Neptuni do të kthehet nga shenja juaj dhe ju do t’i keni gjërat më të qarta dhe do të jeni më të hapur ndaj dashurisë.
Peshorja
Kur yjet i keni në anën tuaj, duke ju mbështetur dhe duke jua lehtësuar peshën e problemeve, prania e të tjerëve bëhet disi më e parëndësishme për ju. Falë Venusit që vazhdoni ta keni aleat, do të shkëlqeni në çdo situatë. Për fat do të keni edhe mbështetjen e Jupiterit dhe të Hënës. Këshillohet që të bëni pak kujdes me mënyrën si shpreheni ditën e premte. Të martën një i afërmi juaj do të ketë nevojë për mbështetjen tuaj.
Akrepi
Ndonjëherë është e nevojshme të përshtatemi me ndryshimet, edhe pse mund të mos na pëlqejnë apo të na shkojnë për shtat, sepse janë pjesë e pashmangshme e jetës. Të martën do të ndiheni nervozë për shkak të ndikimit negativ të Jupiterit. Të enjten Dielli do të largohet nga shenja juaj, duke bërë që të ndiheni më pak energjikë dhe pa entuziazëm. Për fat, Marsin dhe Neptunin do t’i keni aleatë, duke jua bërë më të lehtë peshën e problemeve.
Shigjetari
Jupiteri, Mërkuri dhe Dielli do të kthehen nga shenja juaj duke sjellë energji të reja. Të martën mund të ndiheni nervozë, ndoshta për faktin se do ta keni të vështirë të flisni hapur ose sepse dikush mund të kërkojë shumë prej jush dhe ju nuk do të reagoni mirë. Bëni kujdes ditën e premte, atëherë kur Hëna do të ndriçojë larg shenjës suaj, duke ju shtyrë që të flisni apo veproni në mënyrë të tillë që mund t’ju dëmtojë. Të dielën, prania e Neptunit në shenjë do të ndikojë për mirë.
Bricjapi
Marsi prej pak kohësh është kthyer nga shenja juaj, duke jua bërë më të lehtë komunikimin me të tjerët, por ju keni nevojë për kohë gjithsesi që të përshtateni me këtë forcë të re që ju ndihmon të tregoheni më të drejtpërdrejtë dhe më të vendosur. Sidomos të martën këshillohet që të tregoheni diplomatë dhe të bëni kujdes me mënyrën si shpreheni. Të dielën do të jetë Neptuni që do t’ju ndihmojë në këtë aspekt. Ndërkohë bëni kujdes çfarë thoni.
Ujori
Këtë javë do të ndiheni të paduruar, do të ndieni nevojën për të vepruar dhe për të ndryshuar shumë gjëra në jetën tuaj. Që prej një viti ishte ndikimi i Jupiterit që ju pengonte në këtë aspekt, por tani do të jetë Marsi ai që do t’ju nxitë të veproni, të arrini menjëherë ato që i keni dëshiruar prej kohësh. Më pas do të jetë Hëna që do t’ju ftojë të jepeni pas kënaqësive dhe argëtimeve. Vendosni që t’i përkushtoheni diçkaje të bukur, por pa e ekzagjeruar, duke respektuar edhe të tjerët.
Peshqit
Të lindurit e kësaj shenje shquhen për ëmbëlsinë që i karakterizon, por, kur gjërat nuk shkojnë ashtu siç duan, dinë edhe të revoltohen. Do ta nisni këtë javë me dëshirën për të kundërshtuar, sikur për t’iu kundërvënë deri diku ndikimit mbytës të Diellit, Jupiterit dhe Mërkurit. Të premten mos i besoni shumë instinktit tuaj, sepse kështu do të nënvlerësoni situatat dhe njerëzit përreth jush dhe mund të tregoheni agresivë me ata që nuk e meritojnë. Më pas Neptuni do të kthehet nga shenja juaj, duke ju ndihmuar të jeni më të qartë.
