Është bërë plot një vit nga ndarja nga jeta e vajzës së aktorit dhe shkrimtarit të njohur Çun Lajçi.
Në këtë ditë të dhimbshme, Lajçi ka kujtuar me një poezi të ndjerë njëvjetoritn e ndarjes nga jeta të vajzës së tij, Bubulina, e cila vdiq nga mbidoza.
Dhimbjen dhe mallin për të bijën ai e risjell për publikun, me një libër që mban vargjet më të ndjera që i ka shkruar ndonjëherë.
Por para promovimit të këtij libri, ai ka ndarë në Facebook një nga poezitë që shpreh vargjet për një vit mungesë të së bijës.
In memoriam
“Nji vit pa Ty e pa frymën tande
ecim kujtimësh si tymit temjanit
Bubë!Jerusalemi qeshi kur shqip fole:
“Jezunë du me prekë e shtrat i tij m’u ba”
Adeeb Joudeh ta hapi derën
e t’shenjtës “Sepulchre”
atë mëngjes korriku
diell i përvëluem zemre
Ti ece temjanit, unë pas xhamive
ku myezinët lëshonin zá
kur u ktheva,Sepulchre mshelë ishte
Ti s’dole ma!
Unë
i vetmuem n’qytetin plot jetë
i mërdhimë n’prushin e mbuluem me hi
dëshpërue nga lumtuni e majit
zjarm andrrash fus n’gjiE shkurtë dita për vetëvrasje
Nata e gjatë për dashuni
S’e kuptoj pse gëzohem që s’vdes
e pse jetoj në këtë botë me përralla
Zot
çka t’baj me Ninin që larg meje leh
e Bubën që varun m’rri mbi qepalla”.
