Nga sot nuk duhet të dilni nga shtëpia pa marrë çadrën, pasi reshjet e shiut do të pushtojnë të gjithë vendin.
Këtë të hënë dhe të martë priten reshje intensive, ndërsa nga ana tjetër temperaturat nuk do të pësojnë ulje.
Sipas meteorologëve, dy qarqe janë në rrezik nga përmbytja për shkak të prurjeve që pritet të sjellin përrenjtë dhe lumenjtë.
“Ka mundësi për përmbytje të lokalizuara nga përrenjtë dhe lumenjtë e vegjël ose në zona urbane, kryesisht përgjatë fundit të ditës së nesërme në qarqet Vlorë dhe Gjirokastër”, paralajmëron IGJEUM (Instituti i Gjeoshkencave, Energjisë, Ujit dhe Mjedisit).
Nga e marta temperaturat minimale dhe maksimale të ajrit pritet të arrijnë: në bregdet, 12/16°C; në vendet e ulëta 11/18°C dhe në vendet malore: 4/10°C.
