Një eksploziv i është vendosur makinës së Drejtorit të Hekurudhave Shqiptare, Ani Dyrmishi.
Mediat raportojnë se ngjarja ka ndodhur gjatë natës në lagjen nr 4, ku ai banon, pranë stacionit të Trenit dhe mësohet se makina ishte e parkuar.
Fatmirësisht, Dyrmishi arriti të pikaste lëndën plasëse, para se të hipte në makinë, duke shmangur pasojat që mund të ishin tragjike.
“BalkanWeb” raporton se lënda plasëse ishte futur në një bidon, ndërkohë që ngelet e paqartë nëse ka qenë e fiksuar në mjet.
Nuk dihen ende autorët dhe shkaqet e vendosjes së tritolit, por policia po punon për zbardhjen e ngjarjes.
Dyrmishi mban postin e drejtorit të Hekurudhave prej rreth një viti. Më herët ai ka mbajtur postin e Drejtorit të Hipotekës.
