Kryeministri Edi Rama ka udhëtuar drejt Gjermanisë, ku do të çelë një ekspozitë në qytetin Rostok, me punimet e tij personale, si piktura murale dhe skulptura në qeramikë.
Por gjatë rrugës së transportimit të veprave të tij drejt Gjermanisë, një incident ka ndodhur me punimet e tij.
Media gjermane ‘Ost See’ shkruan se gjatë transportimit të punimeve të Ramës nga Shqipëria për në Gjermani, janë dëmtuar pesë skulptura qeramike, për shkak të materialit të brishtë dhe paketimit.
Por kreu i qeverisë nuk është shqetësuar, por e bën të lehtë situatën.
“Nesër vjen kuratori nga Tirana dhe riparon”, ka thënë Rama”, thuhet në artikullin në fjalë.
Po ashtu në shkrim thuhet se Rama ka shmangur edhe pritjet dhe darkat zyrtare, pasi në Rostok është paraqitur si qytetar i thjesht.
“Rama është qytetar privat në Rostok, aty e ka sjellë me makinë ambasadori i Shqipërisë si shofer”, tregohet më tej në artikull.
Po ashtu kjo media nuk ka lënë pa përmendur edhe gjatësinë e kryeministrit shqiptar, si dhe veshjen e tij sportive. Ekspozita të do të hapet sot, për të vijuar deri më 6 janar, ndërkohë që bileta do të jetë 4 euro.
“Kryeministri shqiptar Edi Rama nuk është vetëm një politikan apo artist. Në vitet 1980 ai ka qenë dhe një lojtar aktiv basketbolli,” thuhet më tej në shkrimin e gazetës gjermane.
/BalkanWeb
