Ai cilësohet si magjistar, por sot nuk i shpëtoi dot prangave të Policisë së Kosovës. Mjeku popullor, Hysri Peqani, i njohur si Burdushi, u arrestua në shtëpi, ku iu gjetën armë, plumba, para, CD, telefona dhe vula.
Uniformat blu nisën ditën e sotme një kontroll në shtëpinë e mjekut popullor.
Para pak ditësh Prokuroria Themelore e Prizrenit ngriti aktakuzë ndaj Peqanit për mashtrim të një klienti të tij, të cilit sipas aktakuzës i ka marrë 2 mijë euro.
Të mërkurën i ftuar në emisionin “Frontal”, Burdushi foli lidhur për këtë çështje, ku u shpreh se nëse publikohet materiale “bëhet tërmet”.
Në Shqipëri Burdushi u bë shumë i njohur pasi doli në emisionin “Zonë e Lirë” për të folur lidhur me dhuntinë e tij.
