Zjarri përfshiu mëngjesin e kësaj të marte një hotel në qytetin e Sarandës. Sipas raportimeve, zjarri nisi në papafingon e hotelit, në katin e gjashtë.
“BalkanWeb” bën me dije se, incidenti ndodhi në hotelin ‘Epirus’, i cili ndodhet në lagjen nr. 4 të qytetit bregdetar.
Nga ngjarja nuk ka të lënduar, pasi menjëherë pas nisjes së zjarrit pronari dhe punonjësit evakuuan hotelin.
Shkak i zjarrit dyshohet një shkëndijë elektrike, ndërsa dëmet materiale mësohet se janë të konsiderueshme.
Zjarrfikësit ndihmuan me shuarjen e flakëve, teksa nisi hetimi për ngjarjen.
Burimi: BalkanWeb
