Olti Curri ka hyrë në shtëpinë e re dhe ku ka më mirë sesa ta nisësh me këmbë të mbarë dhe me një gjë ëmbël si hasudja e gatuar nga duart e Monika Kryemadhit.
Zonja e Presidentit ka vizituar mikun e saj këtë fundjavë për t’i uruar qëndrim të mbarë në shtëpinë e re.
Olit Curri ka publikuar disa foto nga shtëpia, ku shihet Kryemadhi duke gatuar.
“Hasudja më e mirë në botë për shtëpinë e re”, shkruan Olti krahas fotos, ku shihet Kryemadhi duke gatuar ëmbëlsirën.
“Mezi po e pres”, shkruan blogeri në një postim të dytë.
Shtëpia e Olti Currit ndodhet në zonën e Kodrës së Diellit në Tiranë. Nga fotot shohim një ambient të arreduar me shumë shije ku mbizotërojnë ngjyrat gri, portokalli dhe e bardhë.
Në sy bien disa piktura bardhezi që kanë zënë njërën faqe të murit.
Shtëpia moderne është duplex dhe ndodhet në një nga zonat më të mira të Tiranës, e preferuar nga të famshmit shqiptarë të cilët jetojnë aty si, Marina dhe Getoari, Arbana Osmani dhe Xhemi Shehu.
