Është një nga sfilatat e vitit që e presim me padurim dhe ashtu si çdo fundvit, engjëjt e Victoria’s Secret dhuruan spektakël mbrëmjen e djeshme.
Shfaqja u mbajt në Pier 49, Nju Jork, Shtetet e Bashkuara, pas dy vitesh organizimi jashtë (Paris dhe Shangai) dhe surpriza e këtij viti për ne ishte pjesëmarrja e dy shqiptareve Rita Ora dhe Bebe Rexha si performueset kryesore.
Supermodelet më të njohura si Gigi Hadid, Bella Hadid dhe Kendall Jenner u rikthyen në pasarelë më në formë se kurrë.
Gigi, 23 vjeç, e cila nuk mundi të sfilonte në shfaqjen e Shangait 2017, pasi iu mohua viza, u rikthye për herë të tretë, krahas shoqes së saj të ngushtë Kendall, 21 vjeç, e cila gjithashtu humbi shfaqjen e vitit të kaluar dhe motrës Bella 21 vjeçe.
Treshja u bashkua me veteranen Adriana Lima, 37 vjeçe, e cila sfiloi për herë të 19-të në atë që do të mbetet sfilata e saj e fundit për Victoria’s Secret.
Dy modelet e Victoria’s Secret që nuk i pamë këtë vit janë Alessandra Ambrosio, e cila e mbylli karrierën e saj për markën e njohur pas 12 vjetësh, vitin e kaluar dhe shtatzënën Lily Aldridge.
Por si dukeshin engjëjt në pasarelë dhe çfarë risie sollën këtë vit. Më poshtë do të shihni sesi u veshën modelet e Victoria’s Secret.
