Dikush e pëlqen festën e “Halloween”-it dhe dikush tjetër jo, por ndoshta një dëshirë për t’u maskuar e kemi patur të gjithë ditët e fundit.
Të frymëzuar nga filmat, personazhet më të dashur apo disa nga ikonat e festës së frikshme, të famshmet shqiptare nuk i rezistuan maskimit këtë vit.
Pavarësisht se shumë ngulmojnë se në këtë festë duhet të zgjedhësh të maskohesh si një personazh i frikshëm, tradita e kësaj feste ka ndryshuar me kalimin e kohës.
Mund të zgjedhësh të jesh seksi, të ndryshosh vetëm makijazhin apo thjesht veshjen, por mjafton që të ndryshosh “look”.
“Iconstyle.al” postoi ditën e djeshme një sondazh me maskimet e 21 të famshmëve dhe mesa duket fituese është shpallur ajo që realizoi pamjen më të frikshme.
E maskuara më bukur për 2.100 votuesit tanë është këngëtarja Zaimina Vajsari, e cila është votuar nga 349 person. Transformimi i saj vërtetë që na kalli datën, me pamjen e saj prej një nuseje zombie, që mban në kokë një kurorë na kalli datën. Detaji kryesor është makijazhi i kuq që simbolizon gjakun dhe që i rrjedh nga sytë dhe qafa.
Vendin e dytë për maskimin më të mirë e zë Genta Ismajli me 180 vota. Me këtë makijazh mund ta cilësojmë si Princeshën e Errësirës, ndërsa detajet e gurëve e bëjnë pamjen e saj perfekte.
Maskimi i Tunës mori 173 vota, ndërsa ai i Rita Orës, që u shndërrua si reeperi amerikan Post Malone, është votuar nga 142 persona.
Në vend të pestë renditet Emina Cunmulaj e veshur me dy vajzat e saj, Ella dhe Mia, si “Super Women”.
Shiko këtu renditjen:
