Dy vite më parë, familja e saj mori para borxh kur vajzës së tyre i doli lotaria amerikane. Ata bënë çmos që të dërgonin vajzën drejt tokës së premtuar, për një jetë më të mirë.
Por përpjekjet shkuan dëm për familjarët, pasi 25-vjeçarja nga Korça, Klivja Çaçi ka humbur jetën tragjikisht në një aksident në Westland SHBA.
Ngjarja e rëndë ndodhi rreth orës 06:30 të mëngjesit kur e reja po udhëtonte me makinën e saj tip Chevrolet. Në përpjekje për të dalë në anën tjetër të rrugës, ajo humbi kontrollin e automjet dhe përfundoi duke u rrokullisur disa herë në autostradë.
Ajo u nda nga jeta tragjikisht por trupi i pajetë i 25-vjeçares ndodhet ende në Amerikë, teksa familja bën apel për ndihmë për të sjellë Klivjan në atdhe. Nëse dhe ju mund të ndihmoni sado pask që trupi i saj të rikthehet pranë familjes, më poshtë keni linkun që ju nevojitet.
