Një 28-vjeçar shqiptar është gjetur i plagosur me thikë në Genova të Italisë
Ngjarja ka ndodhur mëngjesin e sotëm, ndërsa shqiptari u gjet nga një roje sigurie, i cili njoftoi uniformat blu
I riu, emri i të cilit ende nuk bëhet me dije, u dërgua menjëherë në spitalin Villa Scassi.
Mediat italiane raportojnë se shqiptari është plagosur në bark dhe në këmbë, ndërsa mësohet se fatmirësisht ndodhet jashtë rrezikut për jetën.
Sipas mediave të shtetit fqinj, i riu nuk jeton në Genova, por ka qenë mysafir te vëllai i tij.
Ende nuk dihet se kush e ka plagosur shqiptarin, ndërsa autoritetet italiane kanë hapur hetimet për zbardhjen e plotë të ngjarjes.
/NewsBomb
