Të gjithëve na ndodh që të kemi nevojë për ndryshim në stil. Nëse ndiheni të mërzitshëm apo ka ardhur koha për të ndryshuar, lexoni këto këshilla.
Zgjidhni një ngjyrë veshjeje që kurrë më parë nuk e keni bërë
Asnjëherë nuk keni marrë guximin të zgjidhni ngjyrën e verdhë apo portokalli për kombinimin e veshjes suaj? Tani keni mundësinë ta provoni.
Jepni një pushim buzëve nga buzëkuqi
Ndoshta mund të ndjeheni më me vetëbesim kur lyeni buzët me buzëkuq, por ndonjëherë ndërrimi i buzëkuqit në nuancë mat dhe neutral ju jep një pamje më të butë dhe të ndjeshme.
Investoni në një palë xhinse me prerje të ndryshme
Të gjithë kemi të preferuarat tona, pavarësisht se janë të ngushta, me prerje në fund apo stili “boyfriend”. Do të befasoheni se sa ndryshe do të duken këpucët tuaja me një prerje dhe stil krejtësisht ndryshe.
Bëni një shopping ndryshe
Si? Duke shmangur të gjitha dyqanet tuaja të preferuara. Kjo me të vërtetë do t’ju hap sytë se ka edhe dyqane të tjera që ofrojnë veshje të mira, jo vetëm ato vende që i keni frekuentuar gjithmonë.
Bëni një “piercing” të ri
Edhe nëse është një detaj krejtësisht i vogël do të ndjeheni më e re dhe me stil.
Ndryshoni anën e flokëve
Mund ta bëni këtë gjatë tharjes së flokëve, gjë që nënkupton se ndryshimi është i përkohshëm. Jeni të mërzitur nga ndarja e flokëve në mes? Ndryshoni ato duke i ndarë në njërën anë.
Përzieni paletën e hijezimeve të syve
Gjithashtu mund të ndryshoni edhe mënyrën e vendosjes së penelit për sy. Grimi në stil të ri ju tjetërson pamjen dhe kështu nuk bëheni e mërzitshme me dukjen e njëjtë.
Kur ju blini diçka të re, dhuroni gjërat e vjetra për bamirësi
Kështu do të ndryshoni dhe rinovoni gardërobën tuaj, por edhe ndihmoni dikë në nevojë.
Eksperimentoni me stil tjetër të manikyrit
Tentoni të zgjidhni stile të ndryshme, guxoni për më shumë ngjyra dhe nuanca, shtoni ndonjë gur xixëllues apo detaje tjera interesante që ju tjetërsojnë stilin dhe ju bëjnë unike në llojin tuaj.
Përmirësoni gërshetat tuaja
Gërshetat si formë kurore janë shumë në modë këtë vit, ndaj lirojini sa më shumë që të duken sa më natyrale.
Ndërroni bizhuteritë çdo ditë
Nuk keni mjaftueshëm që të bëni përzgjedhjen? Blini një grumbull me byzylykë apo unaza dhe ndërroni çdo ditë nga një.
Theksoni buzët
Pak theksim i buzëve mund të bëjë ndryshim të madh.
