Më në fund një lajm i mirë! Fansat e Selena Gomez do të jenë të lumtur të dëgjojnë se këngëtarja ndihet më mirë dhe më e lumtur pas shtrimit të saj në spital dhe po bëhet shumë mirë.
Sipas një burimi pranë “Hollywood Life” Selena po përmirësohet dhe ndihet mirë sërish pas shtrimit në spital.
“Megjithëse ka përmirësime, trupi i saj vazhdon të jetë i brishtë dhe ajo ka frikë se gjithmonë do të brengoset për një nga çështjet e shumta shëndetësore që e shqetësojnë. Por në këtë moment ajo ndihet shumë më e fortë, më e shëndetshme dhe më e lumtur “- tha burimi .
“Selena ka mësuar se duhet të vendosë shëndetin e saj mbi çdo gjë tjetër” – shtoi burimi më tej.
Selena u shtrua në spital në fund të shtatorit pasi kishte probleme shendetësore me numrin e qelizave të gjakut që lidhej me transplantin e veshkave të saj në 2017. Ajo donte të largohej nga spitali, por mjekët nuk e lejuan pasi shëndeti i saj nuk po përmirësohej. Gjatë kohës së qëndrimit në spital u tha se ajo kaloi në krizë emocionale dhe si pasojë u desh të merrte një trajtim mjekësor në një strukturë psikiatrike të Bregut Lindor.
