Stafi i rubrikës “B.E Caffe” nuk feston vetëm festën e Halloween, por edhe ditëlindjen e një prej aktorëve të talentuar të kastit.
Dhe se ka ditëlindjen Erion Isai e mësuam përmes kolegut të tij, Bes Kallaku, i cili e quan vëlla aktorin në një postim në “Insta Story” dhe shprehet se është i bekuar që ndan suksesin me të.
“Erion vllai, urime ditëlindjen. Është kënaqësi të ndaj suksesin dhe punën gjatë gjithë këtyre viteve me ty” – shprehej aktori në një foto të shkëputur nga emisioni “B.E Caffe”.
Por Besi nuk është mjaftuar vetëm me një urim, pasi i dedikon edhe një tjetër që përkon me festën e Halloween. Në foton që është realizuar gjatë xhirimeve të emisionit, Besi dhe Erioni janë shndërruar si “Insta Girls”, të cilat shfaqin anën tjetër të vajzave në “Instagram”.
“Urime ditlindjen zhbirdi vllait. Erion Isai edhe ni qin vjeq. Gzuar 30 vjetorin. Tu boft 100€ ora.” – shkruan Besi krahas fotot plot humor.
Ndërsa në komente, Lorik Cana i rikujton djemve se ka përfunduar festa e Halloween-it.
“Mbaroj Halloween o Burra. Gëzuar Gëzuar ” – komenton ish-futbollisti.
