Eno Popi dhe partnerja e tij, Atena u bekuan pesë muaj më parë me ardhjen në jetë të një vogëlusheje, të cilën e pagëzuan me emrin Liv. Vetëm mbrëmjen e sotme, gjatë emisionit të përditshëm “Dilema”, moderatori përmendi për herë të parë të ëmblën e familjes.
Konkurentja në emision shoqërohej nga vajza e saj dhe Eno i kërkoi ta ndihmonte me emra filmash me princesha dhe princa sepse do t’i duhen me vajzën. Duket se Liv, ia ka marrë zemrën babit, teksa ai u shpreh se të gjitha vajzat janë sherbet.
Ende presim me padurim që Eno Popi të na prezantojë me vogëlushen e tij, pasi deri më tani i kemi parë vetëm gishtërinjtë e vegjël. Eno dhe Atena zgjodhën që Liv, ta sillnin në jetë në Amerikë.
