Nëse dëshironi të dini sesi do të duket Priyanka Chopra me fustanin e nusërisë, aktorja indiane na e shoi kuriozitetin me veshjen e saj në festën para dasmës që u mbajt të dielën.
Bukuroshja na tregoi se do të duket përrallore në ditën e saj më të madhe pasi u shfaq e veshur me një fustan të bardhë bust, me pupla në pjesën e poshtme nga marka prestigjioze, “Marchesa”.
Ajo po përgatitej për t’u martuar me këngëtarin Nick Jonas duke organizuar një festë paramartesore, në “Tiffany & Co”.
Fustanin e hijshëm e kishte kombinuar me një palë këpucë me takë “Christian Louboutin”. Si aksesorë, ylli i Bollywood-it kishte zgjedhur një varëse dhe vathë diamanti.
Sipas “Us Weekly”, festa u organizua nga shoqërueset e nuses Mubina Rattonsey dhe Anjula Acharia dhe të ftuarat ishin Kelly Ripa, Lupita Nyong’o, nëna e Priyanka-s Madhu Chopra dhe kunata Danielle Jonas, e cila është e martuar me vëllain e Nick, Kevin Jonas.
Priyanka Chopra dhe Nick Jonas do të martohen në dhjetor, dhe dasma do të bëhet në Indi. Çifti ka në plan të zbatojë të gjitha traditat e kulturës së tyre përkatëse, për ditën e madhe.
