JLo dhe Alex janë lidhur që në mars të vitit 2017 dhe me sa duket gjërat kanë përparuar aq shumë saqë dyshja duket se ka bërë hapin e radhës.
Këngëtarja 49-vjeçare i ka habitur fansat kur u shfaq me një unazë teksa shoqëronte partnerin Alex Rodriguez në ndeshjen e Serisë Botërore të mërkurën.
Jennifer Lopez nuk ngurroi të ekspozonte unazën prej diamanti që i shkëlqente në gisht.
Ajo shfaqej në një video të shkurtër të postuar nga i dashuri Alex Rodriguez, 43 vjeç.
“Jennifer si ishte shenja?!’ e pyeti sportisti yllin e muzikës pop, e cila përpiqej të imitonte shenjat që trajnerët e bejsbollit u bënin lojtarëve të tyre në fushë.
Sigurisht ajo që tërhoqi vëmendjen tonë ishte unaza, edhe pse teknikisht ajo nuk ishte e vendosur në dorën e duhur për të konfirmuar fejesën.
Gjithsesi kjo nuk i ndaloi fansat të spekulojnë për rëndësinë e kësaj unaze diamanti.
Thashethemi me sa duket nisi falë një mikeshe të çiftit e quajtur Kimberly, e cila komentoi: “Shenja që unë shoh është fejesa”.
Ndërsa Alex nuk iu përgjigj direkt komentit, por e përshëndeti atë: “Çkemi Kimberley !! Më mungoni djema”.
Epo a doni më prova se kaq?!
