Momenti i rrëfimit erdhi! Për një kohë shumë të gjatë kam qënë e fiksuar me flokët extension, pasi nëna natyrë më mallkoi me dy qime në kokë dhe ma la mua në dorë t’i gjeja një zgjidhje. Dhe ashtu bëra! Studiova çdo foto të të famshmeve, duke kafshuar buzën me dhëmbë nga inati, sesi flokët e tyre ishin aq të magjishme.
Dhe sot edhe unë kam të fshehur nën flokë, atë që nëna ime e quan si “perde me lesh”, por që është lumturia që më kishte munguar. Sigurisht që po flas për flokët extension, që për gocat si puna ime, domethënë ato me dy qime në kokë, është zgjidhja perfekte.
Ndaj do t’ju rrëfej pesë gjërat që duhet të dini përpara se të vendosni flokët extension,:
Mund të duken si flokë natyralë
Kur vendosa për herë të parë extension,, supriza më e madhe ishte se miqtë e mi nuk e kuptuan aspak se çfarë fshihja nën flokë. Madje më kërkonin për produktet që përdorja se sipas tyre flokët e mi kishin marë një pamje të re. Dhe këtu ishte mjeshtëria e karficave që ishin përzier me flokët, duke mos e zbuluar sekretin që mbanin flokët. Gjithashtu, nuk duhet luajtur shumë me gjatësinë e flokëve, e për këtë duhet konsultuar me parukieren për të gjetur rrugën e mesme të gjatësisë dhe flokëve të reja. Dhe më e rëndësishme, nuk duhet kurrsesi të të shkaktojnë dhimbje.
Flokët e mirë extension, nuk shkaktojnë kurrë probleme me flokët
Kjo ishte frika ime më e madhe! Nuk doja kurrsesi të humbisja edhe ato dy qime që më kishte dhuruar nëna natyrë, ndaj stepesha të eksploroja më tej. Por eksperienca është nëna e dijes, ndaj mblodha veten dhe guxova. Nga konsultimet me ekspertet e kësaj pune, mësova se flokët extension e mirë të hapin shumë pak probleme ndërsa ato të lirat, të shkatërrojnë 100 % flokët. Ndaj bëni kujdes kur të zgjidhni markën dhe metodën sepse është A-ja e kësaj pune.
Të kujdesesh për to është një punë më vete
Për mua është një kujtim i largët, gjumi i mëngjesit, pasi flokët extension janë si një beb i vogël që kërkon kujdesin e nevojshëm. Mos dilni asnjëherë nga shtëpia me flokët e lagur, pasi extension do të shndërrohet si një “shtëllungë leshi” që kërkon dy ditë për ta kthyer në identitet. Pasi të lani flokët mirë, thani dhe stilojini së bashku me flokët tuaj natyral për t’i “bindur” sepse ndryshe do të keni një ditë tersi! (Për flokët po flasim sigurisht)
Do të kesh nevojë për produkte të reja
Fatkeqësisht, arsenali me shampo dhe produktet e tjera që keni në raft nuk funksionon tek extension. Në momentin që do të blini flokët e reja, konsulohuni që të merrni dhe produktet për t’u përkujdesur, pasi është shumë e rëndësishme.
Mund të kushtojnë shumë
Ok, e dimë se nuk janë shumë të lira, por kemi zgjedhur që të sakrifikojmë për bukurinë! Ndaj ju lutem, mos bini pre e tundimit që të blini extension të lirë, pasi floku do t’ju shkatërrohet. Dhe nëse konsuloheni me parukjeren dhe i bëni kujdesin e duhur, do të zgjasin shumë e do të duken si të reja.
Burimi: Iconstyle
