Aktori italian Remo Girone, i njohur nga të gjithë shqiptarët, si Tano Cariddi ka mbërritur në Shqipëri për një projekt të ri filmik, xhirimet e të cilit kanë nisur në vendin tonë.
Lajmin për mbërritjen e tij e ka dhënë ish-ministrja Majlinda Bregu, e cila ka publikuar edhe disa foto me Remo Girone-n.
“Tano e’ solo di Tano” – thoshte Tano Cariddi?.Remo Girone është kaq mik sa na vjen keq ta kujtojmë si Tano Cariddi. “Portreti i pambaruar i Clara Bellinit”. 4 foto @xhodihysa ne vend te Mireseardhjes per aktoret italiane që do të interpretojnë krahas aktorëve shqiptare. #RemoGirone, #VictoriaZinny, #NinoCeleste, @aiello.beatrice @martagastini. P.s postimi pa leje nga #NikoAjazi
Bashkëshorti i Bregut, Namik Ajazi ka nisur xhirimet për filmin që titullohet “Portreti i pambaruar i Clara Bellinit”.
“Gazeta Shqiptare” shkruan se filmi flet për historinë e dashurisë së një djali shqiptar me vajzën e një diplomati të lartë italian.
Ngjarjet zhvillohen në fund të viteve ’70 dhe fillim të viteve ’80 dhe pjesë e kastit janë emrat më të njohur të kinematografisë shqiptare: Alfred Trebicka, Gulielm Radoja, Raimonda Bulku.
