Besojmë se nuk është e nevojshme t’ju themi që ky sezon vjeshtë/dimër vjen me një shumëllojshmëri palltosh dhe xhupash nga ato me print kafshësh te ato me ngjyra fosforeshente.
Jemi të sigurt që i keni hasur të gjitha llojet në Instagram dhe i keni ruajtur ato më me stil që ju ka zënë syri.
Të njëjtën gjë kemi bërë dhe ne, vetëm se sot (me shumë vështirësi) arritëm të përmbledhim 10 palltot/xhupat më të mirë që kanë veshur ndonjëherë fashionistat shqiptare.
Argjentina Ramosaj sjell versionin e palltos “teddy bear” të “Zara”-s, e butë dhe e ngrohtë, e përshtatshme për dimrin e ftohtë dhe me një ngjyrë portokalli të ndryshkur, kaq “in” këtë sezon.
Xhesika Berberi vjen e kuqe flakë me këtë pallto të gjatë dhe sportive që mund ta kombinosh me veshje sportive si ajo, por edhe me klasike.
Adrola Dushi sjell një pallto mjaft klasike të punuar me mjeshtëri nga Mirela Nurçe për “Versaçe”. Palltoja ngjyrë bezhe me dopio kopsë ka një model super për femrat që ju pëlqen eleganca dhe klasikja.
Lori Hoxha shëtiti në rrugët e Londrës me një pallto të gjatë “Burberry”, me ngjyrat tipike të markës dhe modelin e thjeshtë që na e vodhi zemrën me shikim të parë.
Beatrix Ramosaj sjell xhupin më fantastik për ju që mendoni se nuk jeni tip palltosh. Xhupi i fryrë dhe i shkurtër në ngjyrë të bardhë, mund të vishet edhe me taka darkave dhe jo vetëm.
Nora Istrefi solli atmosferën e dimrit me këtë pallto të bardhë me pellush dhe kollan. Na duhet të themi që është një nga ato palltot “must” pra që duhet të keni të gjitha.
Rita Ora është fanse e xhupave të fryrë dhe ky xhup i zi i ndërthurur me pelush, që këngëtarja ka veshur për revistën “InStyle Russia”, është super.
Ok mos harrojmë dhe pellushin e Loredanës. Në fund të fundit, nuk quhet dimër nëse s’ke pelush!
Eni Koçi na e zbukuron edhe më tepër dimrin me pallton e gjatë në ngjyrë lejla, dhe me pjesën e pelushit që çdo femër e adhuron.
Dojna Mema e veshur kuqezi me këtë pallto me kuadrate nuk mund t’i mungonte listës sonë.
