Pronari i lokalit në ish-Bllok, ku ndodhi vrasja e 4 tetorit, u paraqit sot në seancën me dyer të mbyllura në Gjykatën e Tiranës. Biznesmeni Redi Popesku qëndroi i arrestuar nga policia për dy ditë, për t’u liruar sot nga trupi gjykues.
Prokuroria kërkoi “arrest me burg” për Popeskun, por gjykata vendosi ta lërë të lirë duke i dhënë masën e sigurisë “arrest shtëpie”.
Redi Popesku u arrestua për veprën penale “Veprime që pengojnë zbulimin e të vërtetës”, pasi akuzohet se fshehu armën e Ervis Martinaj, si dhe dha dëshmi të rreme.
Ai ishte një nga dëshmitarët e masakrës së 4 tetorit që ndodhi në lokalin e tij, ku humbi jetën Fabiol Gaxha, ndërsa u plagosën Ervis Martinajn dhe Eljon Haton.
Të përfshirë në këtë ngjarje janë edhe i dashuri i Elvana Gjatës, Ervin Mata, komando Mervjol Bilo dhe Fabjol Alushi. Këngëtarja është cilësuar si “mollë sherri”, ndërsa ndodhet në kërkim nga policia pasi nuk ka dhënë dëshminë e saj para uniformave blu.
