Gjatë ditës së sotme kryeministri Edi Rama ka mbajtur një konferencë para studentëve të ekselencës ku u ka premtuar atyre se nëse zgjedhin degën e mësuesisë do të përfitojnë bursa.
Rama u shpreh gjatë konferencës duke thënë: “ 1000 dollarë në vit do të marrin ata që nisin fakultetin në një nga degët e mësuesisë”, duke shtuar se studentët e regjistruar deri tani në degën Gjuhë- Letërsi janë vetëm studentë me nota të dobëta.
Gjatë fjalimit të kryeministrit një studente nga salla ka nisur të flasë e revoltuar, por në video nuk kuptohet qartë se çfarë ka dashur të thotë. Menjëherë gjatë fjalës së saj transmetimi “Live” nga ERTV është ndërprerë në përpjekje për të fshehur incidentin e pakëndshëm që duket se shqetësoi kryeministrin.
Pak minuta më pas transmetimi u rikthye dhe Rama dëgjohet duke u përgjigjur ndaj vajzës duke thënë: “Me siguri ngelëse, por s’ka rëndësi, janë shfaqje të kudondodhura në botën e internetit”.
