Arrestimi i reperit të njohur shqiptar Stresi ka qënë lajmi më i bujshëm i ditëve të fundit në të gjitha mediat shqiptare. Ai u kap brenda një hoteli në Linzë me armë dhe drogë dhe akuzohet si pjesë e një grupi kriminal. Me të u kap gjithashtu një 20 – vjeçare, emri i të cilës nuk është bërë akoma i ditur.
Pas këtij lajmi të gjithë sytë u drejtuan nga Kejsi, partnerja e reperit, pas tradhtisë së përfolur në media. Ajo reagoi përmes një postimi në Instagram që nuk kishte të bënte aspak me rastin , duke postuar një foto ku pozonte para pasqyre e veshur me një fustan të bardhë.
Të gjithë u habitën nga postimi i saj dhe mosreagimi ndaj situatës me partnerin dhe duke u vënë të gjithë në dyshime nëse ajo do vazhdonte historinë me Stresin apo i dha fund menjëherë pas lajmit.
Mirëpo sot, pak minuta më parë ajo ka publikuar në Instastory një foto të dy prindërve të partnerit të saj me mbishkrimin “Ju dua shumë”, kur ata ishin të ftuar në studiot e “News 24” të flisnin për situatën e të birit.
Pas kësaj fotoje të publikuar duket se ka qënë i menjëhershëm reagimi i ndjekësve të cilët e gjykojnë për qëndrimin e saj.
Ajo sapo ka publikuar edhe një tjetër Instastory duke treguar publikisht vendimin e saj mbi këtë çeshtje.
Dikush i ka shkruar asaj: “Seriozisht e ke ti me këtë? Po ik o e trashë si mund ta lejosh pas asaj që të bëri?”
E menjehershme ishte edhe përgjigjia e Kejsit duke i’u drejtuar: “Tu prish dita ty? Të vetmit njerëz të trashë janë ato që japin opinion për këtë çeshtje pa pasur fare të bëjnë me të. Unë nuk po bëj asgjë, përvecse po mbështes familjarë që janë në dhimbje për fëmijën e tyre, ndërsi ti si shumë të tjerë i jepni gojës sikur duhet të më interesojë mua opinioni juaj. Shikoni jetën tuaj, se në momentin që dikush po kalon vështirësi t’i biesh me shkelm nuk del ti më e zgjuar se unë që të dukem e trashë. S’ja uroj të keqën askujt në këtë botë e jo më njerëzve që i dua, ndaj po s’të pëlqeu mos e hap fare profilin tim. Jeta ime private do të mbetet private, gjykimi jot apo i gjithë botës është problemi juaj që interesoheni kaq shumë për mua dhe doni muhabete tavoline. Kini kujdes se mos ju kthehet juve një ditë. Kalofshi mirë!” – shkruan Kejsi në përgjigjen e saj.
