Arbana Osmani duket se i përket grupit të njerëzve, që nuk e preferojnë aspak biçikletën, ndaj nuk e ka marrë kurrë mundimin ta mësojë ta ngasë! Epo të paktën deri në mbrëmjen e sotme.
Moderatorja ka kaluar pasditen e së premtes me familjarët e saj në një park në Tiranë. Dhe Arbana nuk i ka rezistuar dot tundimit për të mësuar biçikletën, ndaj ia ka nisur nga zero! Pra nga biçikletat me rrota ndihmëse, që janë për fëmijët e vegjël.
E veshur me tuta sportive dhe një xhaketë xhinsi, Arbana shfaqet e ulur në biçikletë në videon e bërë publike në “Instagram”, por nuk niset pa kërkuar ndihmën e të vëllait.
“Hera ime e pare në biçikletë” – shkruan Arbana krahas videos së bërë publike, ndërsa personat e saj të dashur shpërthejnë në të qeshura.
